ulsteinvik-heimebane

Ulsteinvik

Heimebane

Ulsteinvik

Heimebane

Ute i havgapet, blant knausar, skjergard og strand på Søre Sunnmøre, finn du den sjarmerande kystbyen Ulsteinvik med fastlandssamband til resten av verda. Ulsteinvik med sine 8600 innbyggarar er sentrum i Ulstein og byr på kjekke opplevingar for store og små gjennom heile året. Eit stort tal serveringsstader, badeland, bibliotek, kino og fleire spennande nisjebutikkar gir deg urban puls samstundes som du er tett på den storslåtte sunnmørske naturen.

Historia i Ulstein går tilbake til dei tidlegaste tider då isbreane trekte seg tilbake og menneska slo seg ned langs kysten. Her har det budd folk i fleire tusen år, og det ser du mellom anna spor av i alle dei freda kulturminna. I dag er Ulstein eit internasjonalt og dynamisk samfunn kjent for verdsleiande maritim innovasjon, skipsverft og sportsbragder i verdsklasse.

Les meir om Ulsteinvik her

Praktisk info

Offentleg toalett

Det er offentleg toalett tilgjengeleg ved busstasjonen (v/ «Mjøl og Meir»). Det er også toalett på biblioteket, Blåhuset og Amfi Ulsteinvik.

Opningstider

Dei fleste butikkane har ope frå kl. 10-18/19. Sjekk butikkane sine eigne facebooksider for heilt oppdatert informasjon. Daglegvarar, apotek og vinmonopol har andre opningstider.

Foto: Cecilie Hatløy

Amfi Ulsteinvik

På Amfi finn du Apotek 1, Vita, Bellis Blomster, Brilleland, Kappahl, Bunnspris, Norli, Dressmann, Negle Club Cubus, Kiwi, Skoringen, Ringo, Match, Christiania Glassmagasin, Braud og Bollur, Kid interiør, Princess, Zoo-1, Kitch’n og Ulstein Bowling.

Foto: Cecilie Hatløy

Overvåg

Midt i sentrum ligg Overvåg, som har kledd opp Sunnmøringar i over 60 år! Her finn du eit stort og spennande utval i dame- og herreklede av høg kvalitet og får ein heilt nydeleg service!

Foto: Cecilie Hatløy

Mjøl & Meir

Handverksbakeriet Mjøl & Meir bakar nydeleg gjærbakst og brød og serverer deilig kaffe midt i Ulsteinvik sentrum.

Foto: Cecilie Hatløy

Bizarre Klær, Interiør og Galleri

Bizarre held til i Kyrkjegata i nærleiken av Blåhuset og Ulstein Arena og er eit lite eventyr av ein butikk! Her finn du mange kjende klesmerke av høg kvalitet, i tillegg til eksklusive duftlys, handkle frå Missoni og meir.

Foto: Cecilie Hatløy

Waage Gullsmed

Hos Waage Gullsmed opplever du gullsmedkunstens magi på tett hald – rettare sagt: midt i butikken! Stikk innom og sjå gullsmed Arild Waage skape vakre og spesielle smykke.

Foto: Brudevoll Kjøtt

Brudevoll Kjøtt

Brudevoll Kjøtt har produsert lokal mat i over 100 år. Her får du tak i sjølvaste môrpølsa – ein sunnmørsk institusjon, i tillegg til mykje anna kortreist mat og det beste av gamle og nye oppskrifter.
Foto: Per Eide

Per Eide Studio

Per Eide er kanskje ein av Noregs mest anerkjende fotografar og vidkjend for sine spektakulære naturbilete – det vere seg frå toppen av eit fjell eller dykkande blant fisk og kval. Stikk innom studioet hans i sentrum og ta ein titt.

Foto: Cecilie Hatløy

Blåhuset

På Blåhuset finn du mange butikkar, mellom anna Apotek 1, Intersport, Bjørklund, Coop Mega, Vinmonopolet, Notabene, Lindex, Nille,  Mester Grønn, Creativo, AKY, Skin Tonic, Nobel, Valaker Bakeri og Sunkost.

Anna nyttig