Er du ein av dei som gjerne vil oppleve den mektige sunnmørsnaturen, men som ikkje er så røynd med å gå på tur aleine? “Fjellføraren” er eit guidefirma som driv med guida turar, fjørevandring, grottevandring og kajakkpadling på Søre Sunnmøre. Martin Hauge-Nilsen og Arve Haugland er sertifiserte naturguidar utdanna ved Høgskulen i Volda.
Dei har lang og god erfaring med å skreddersy turar for privatpersonar og grupper og garanterer trygge og flotte fjell og fjord- og kystopplevingar som du vil hugse resten av livet.
