Gratis lån av utstyr

Gode opplevingar treng ikkje å koste skjorta. Faktisk treng det ikkje koste i det heile. Hos BUA i Ulstein kan du låne alt av turutstyr frå kajakk og telt til el-sykkel, tursko og fotball, gratis!

Ikkje berre er det å leige sirkulært og berekraftig, det er kjempeenkelt å leige utstyr hos BUA og du slipp å drasse med deg så mykje bagasje heimefrå når du skal på tur.

Leig utstyr hos BUA

Klikk deg inn på nettstaden til BUA, reserver det du ønskjer å låne og hent det i Ulsteinvik. Lett som ein plett!

Under kan du sjå fleire bilete som viser utvalet du finn på BUA i Ulsteinvik. Som du ser, finst det noko for ein kvar aktivitet og alle høve.